Konferenca e Tretë Ndërkombëtare organizuar nga IKF, 2-3 Qershor 2025

Në vijim të traditës së krijuar, Instituti Kombëtar i Fizikës (IKF, www.ikf-akad.al), me mbështetjen e Akademisë së Shkencave të Shqipërisë, organizon Konferencën e tij të Tretë në datat 2-3 qershor 2025.

Ky njoftim është njëkohësisht edhe fte­­­­së për të gjithë fizikanët e interesuar që të marrin pjesë në këtë aktivitet shkencor. Konferenca do të mbahet në format të përzier, me pjesëmarrje fizike dhe online. Regjistrimi është pa pagesë. Gjuhët e komunikimit do të jenë anglisht dhe shqip.

IKF synon promovimin e dijeve bashkëkohore dhe të ekselencës në fushën e fizikës në të gjithë hapësirën ku punojnë fizikanët shqiptarë, brenda dhe jashtë trojeve tona. Qëllimi i konferencës është përhapja e rezultateve të kërkimit shkencor e të arritjeve më bashkëkohore në fizikë, përfshirë këtu dhe mësimdhënien; konsolidimi i bashkë-punimit mes fizikanëve shqiptarë e joshqiptarë, si dhe zgjerimi i IKF me anëtarë të rinj. Meqenëse 2025 është shpallur viti ndërkombëtar i teknologjisë kuantike, konferenca do të ketë në fokusin e saj arritjet madhore në këtë fushë qendrore të fizikës.

Konferenca do të ketë vend për referime nga fizikanë të ftuar, shqiptarë ose të huaj.

Konferenca mbahet në Tiranë, në mjediset e Akademisë së Shkencave të Shqipërisë. Për regjistrimin, shkarkoni Abstract Template më poshtë dhe dërgoni abstraktin tuaj në email: konferencaikf@ikf-akad.al

Afati i regjistrimit është data 4 maj 2025.

Ju lutem, gjeni më poshtë shpalljen e konferencës dhe vendndodhjen e Akademisë së Shkencave të Shqipërisë. Për më shumë informacione, na kontaktoni: konferencaikf@ikf-akad.al

Konferenca e Dytë Ndërkombëtare organizuar nga IKF, 28-29 Prill 2023

Pas mbarëvajtjes së Konferencës së Parë, në shkurt 2022, Instituti Kombëtar i Fizikës (IKF, www.ikf-akad.al), me mbështetjen e Akademisë së Shkencave të Shqipërisë, do të organizojë Konferencën e tij të Dytë, në datat 28-29 prill 2023. Ky njoftim është njëkohësisht edhe ftesë për Ju, dhe të gjithë fizikanët e interesuar që të marrin pjesë në këtë aktivitet shkencor. Konferenca do të mbahet në format të përzier, me pjesëmarrje fizike dhe online. Regjistrimi është pa pagesë. Gjuhët e komunikimit do të jenë anglisht dhe shqip.

IKF synon promovimin e dijeve më bashkëkohore dhe të ekselencës në fushën e fizikës në të gjithë hapësirën ku punojnë fizikanët shqiptarë, brenda dhe jashtë trojeve tona. Qëllimi i kësaj konference është mbështetja e shpërndarjes së rezultateve të kërkimit shkencor në sfondin e arritjeve më të fundit në fizikë, përfshirë këtu dhe mësimdhënien; konsolidimi i rrjetit të bashkëpunimit mes fizikanëve shqiptarë e joshqiptarë, si dhe zgjerimi i IKF me anëtarë të rinj.

Konferenca do të ketë vend për referime nga fizikanë të ftuar, shqiptarë ose të huaj. Një sesion i veçantë do t’i kushtohet mësimdhënies në fizikë. Konferenca mbahet në Tiranë, në mjediset e Akademisë së Shkencave të Shqipërisë.

Librin e Abstrakteve dhe prezantimet e konferencës mund të shkarkohen më poshtë.

Ju lutem, gjeni më poshtë shpalljen e konferencës, programin, Template Abstrakti dhe vendndodhjen e Akademisë së Shkencave të Shqipërisë. Për më shumë informacione, na kontaktoni: konferencaikf@ikf-akad.al

Hapja e Konferencës së Dytë të IKF, 28.04.2023

Foto gjatë Konferencës së Dytë të IKF

Mbyllja e Konferencës së Dytë të IKF, 29.04.2023